قالت تضيق إن غبت بالحيل قلت إيه
أكـره حياتـي كلـهـا فــي غيـابـك
ღღღ
وشلون وأنتي قلـب حبيبك ملكتيـه
أكيـد نبـضـه يختـلـف فــي ذهـابـك
ღღღ
قالت صحيح..؟وقلـت ياغايتـي ليـه
ماتعرفـيـن إنــي أمــــوت بجـنـابـك
ღღღ
أعشق وصالك وأكره الهجـر طاريـه
وأعيـش لحظـات الغـلا فـي رحابـك
ღღღ
والليـل فـي ذكـراك تطـرب مساريـه
ويشوقـنـي بالـحـب لحـظـة عتـابـك
ღღღ
والقـلـب لــو بـيـدك جرحتـيـه منّـيـه
مـا قـول غـيـر إلا هــلا مرحـبـا بــك
ღღღ
القـلـب وعيـونـي وروحــي وراعـيـه
كلهـن رصيـد مسجّـل في حسابـك
ღღღ
يفداك من تمشي على الأرض رجليـه
ويفـداك مـن ذاق الغـلا واعتـزى بـك
ღღღ
قـالـت حبيبي,,وقـلـت لـبّـيـه لـبّـيـه
لبّا الخـدود اللـي زهـت فـي شبابـك
ღღღ
قالـت أحبـك والـغـلا شــف مـواريـه
وسط العيـون السـود يشكـي عذابـك
ღღღ
أنت الحبيب وباقـي النـاس مـا بيـه
أمـوت فـي لامـاك وأعـشـق تـرابـك
ღღღ
الحـب فـي عيونـك غرقـت بموانـيـه
والشـوق وقّـف بـي علـى حـد بـابـك
ღღღ
ولو تلحـق الشرهـه حبيبـي مشاريـه
مابيـع حبّـك دام قلـبـي رضــى بــك
ღღღ
ميرالـدلـع مابـيـن غـالـي وغـالـيـه
أنــا أدري أنـــه مــا يـزعّـــل جـنـابـك
ღღღ
قلـت الدلـع والزيـن عـنـدك مبـاديـه
والعشق يحيـا لأرتـوى مـن سحابـك
ღღღ
يااللـي ورود الحـب فينـي زرعتـيـه
وأنـا كتبـت الشـوق داخــل كتـابـك
ღღღ
ليـن الغـلا من نـهر حـبي سقيتـيـه
وأحيـا بساتيـن الغـلا وأرتـوى بــك
ღღღ
يافرحـة الحاضـر بنكهـات ماضـيـه
أكــره حياتـــي كلـهـــا فــي غيـابـك
تقيلووو مرووري
