يا قلب هذي قسمتك خل الاحزان
واللي تبي ما عاد هو من نصيبك
لا بد ترضى بالمقدر ولو كان
حكم القدر يا قلب يبعد حبيبك
ويا عين كفي دمعة فوق الاوجان
يكفي ترى ما باقي الا سريبك
لا تجرحين الخد يكفين ما جان
واللي من اجله باكيه ما دري بك
من غبت عني يا بعد كل فتان
وانا ارجي المولى لعله يجي بك
انا بدونك اقضي الليل سهران
وان غمضت عيني كواني لهيبك
اذكر زمانٍ يوم انا وانت خلان
قبل الفراق وقبل تبعد قريبك
